Er ekki kominn tími á breytingar?

Þjáist þú af vanlíðan, kvíða, orkuleysi og lélegri sjálfsmynd? Áttu erfitt með að setja skýr mörk og lætur þarfir annara ganga fyrir þínum? Kemur þetta í veg fyrir að þú náir að lifa því lífi sem þig langar?

Ef svar sitt er já, langar mig að bjóða þér að fá ókeypis tíma hjá mér sem ég kalla stöðumat og framtýðarsýn. Í tímanum skoðum við hvernig þú mundir vilja hafa stöðuna varðandi þessa þætti í þínu lífi og hvernig stendur á því að þú hefur ekki náð að breyta þessu til betri vegar.

Það er hægt að finna til meira öryggis, auka sjálfstraust sitt og upplifa meiri orku í daglegu amstri. En til þess að breyta lífi sínu þarf vilja til breytinga og hugrekki til þess að líta inn á við. Svo þarf að gera sér grein fyrir að breytingar kosta skuldbindingu og vinnu. 

Tíminn tekur rúma klukkustund og fer fram á stofunni minni í Bolholti 4. Það er engin skuldbinding fólgin í því að bóka tíma en ef við náum vel saman mun ég deila með þér upplýsingum um það hvernig ég geti aðstoðað þig við að ná markmiðum þínum. 

Ég býð aðeins nokkra fría tíma á viku svo þú skalt ekki bíða með að bóka!

Bókaðu tíma hér fyrir neðan! 

 

Hleð inn ...

Þegar ég ákvað að fara í heilun til Kristjáns var ég ekki með neitt sérstakt í huga nema ég hafði verið frekar orkulaus og langaði að bæta orkuflæðið hjá mér. Það lagaðist svo sannarlega plús það að heyrnin mín sem hafði verið að versna varð mun betri. Hæfni mín til þess að halda athygli jókst líka verulega en það hafði verið ákveðið vandamál hjá mér. Ég er þakklát og glöð.

Íris Aðalsteinsdóttir

Þegar ég hitti Kristján Viðar í fyrsta skipti þá var ég að rísa upp úr andlegu áfalli og ofsakvíða, var komin vel af stað í bata en átti enn langt í land. Vinkona mín hafði mælt með honum og sagt að ég bara yrði að fara til hans. Ég gleymi seint fyrsta tímanum, ég steig nærri endurfædd út úr honum. Kristján hlustar án þess að dæma og gefur síðan nýja sýn. Hann kemur fram af virðingu og mildi.  Að fara á bekkinn hjá honum er eins og að skreppa til himnaríkis. Ég fór strax að styrkjast á sál og líkama. Varð alltaf sterkari og sterkari eftir hvern tíma. Í dag er ég sterkari en nokkru sinni fyrr. Ég hef ögrað sjálfri mér með því að takast á við ný verkefni sem mér hefði aldrei dottið í hug að ég ætti efitir að framkvæma. Ég hef náð betra sambandi við sjálfa mig og öðlast sátt við sjálfa mig og almættið. Ég mæli hiklaust með því að fara í heilun hjá Kristjáni.

Þorbjörg Bjarnadóttir

Staðsetning

Ég er með aðstöðu í Rósinni sem er uppi á fjórðu hæð til vinstri í  Bolholti 4.  Það er bæði lyfta og stigi í húsinu. Þegar þú kemur inn þá tekur þú af þér útiföt og hengir upp í fatahengi sest niður og slakar á þangað til kemur að þér.

Staðsetning

Ég fór til Kristjáns fyrst af því að ég heyrði vinkonu tala um hvað hann væri að hjálpa henni mikið.  Fór í raun til hans fyrir forvitnis sakir, til að athuga hvað hann gæti e.t.v. gert fyrir mig.  Með engar beinar væntingar og mikla forvitni að leiðarljósi þá hefur mér líkað svo vel að núna ári seinna er ég enn að mæta og vinna með sjálfa mig.  Kristján hefur hjálpað mér að fletta hverju laginu af öðru af og í ljós er að koma mun heilsteyptari manneskja sem skilur sjálfa sig betur.  Ég hlakka til hvers tíma, veit oft ekki hvað ég er að fara að ræða þegar ég kem í tímann en er samt aldrei uppiskroppa með umræðuefni!!!  Ég er í betra jafnvægi, á betri samskipti við fólk í kringum mig og er ánægð með að vera farin að finna á ný fyrir mismunandi tilfinningum en áður var ég orðin frekar dofin!  Kristján hefur hjálpað mér að skilja lífið betur og það er alltaf gott að leggjast á bekkinn og koma endurnærð út aftur.

Kolbrún Rakel Helgadóttir

Ég hafði þjáðst lengi af kvíða og fótkulda. Eftir einn tíma hjá Kristjáni hefur dregið verulega úr kvíðanum og hnúturinn sem ég hafði verið með í maganum lengi minnkaði mikið og hvarf alveg um tíma. Fótkuldinn er farinn og ég er allur heitari í skrokknum og mýkri.

Valþór Þráinsson

Algengar spurningar

Hvað er stöðumat og framtíðarsýn?

Stöðumat og framtíðarsýn er frír tími sem tekur um klukkustund. Í tímanum skoðum við þau vandamál sem þú ert að glíma við og hvaða skref þú þarft að taka til þess að ná árangri.  Það er engin skuldbinding um samvinnu falin í því að koma í svona tíma en ef við náum vel saman og ég tel að ég geti hjálpað, má vera að ég bjóði fram aðstoð mína við það. 

Í hvernig klæðnaði er best að mæta í tíma?

Ég mæli með því að þú komir í þægilegum léttum klæðnaði sem þér líður vel í.

Hvað þarf ég að mæta í marga tíma?

Við komum okkur saman um fjölda tíma í upphafi. Oftast er um að ræða 8 tíma á þremur til fjórum mánuðum eða eða 15 tíma á sex mánuðum. 

Hvað er hæfilegt að það líði langur tími á milli tíma?

Við reynum að setja áætlunina þannig upp að þú komir um það bil vikulega til að byrja með en lengjum svo bilið milli tíma er líður á umsamið tímabil. 

Hvernig líður manni eftir tíma?

Það er mjög einstaklings bundið hvernig fólki líður eftir tíma. Flestum líður ákaflega vel. Sumir verða viðkvæmir og þurfa að fara vel með sig. Það fer eftir því hvað er í gangi hjá hverjum og einum. Ef þér líður á einhvern hátt illa eftir tíma skalt þú endilega láta mig vita sem fyrst.

Get ég treyst því að það sem komi fram í tíma fari ekki lengra?

Allt sem okkur fer á milli er trúnaðarmál. Ég ræði samt í einstaka tilvikum skjólstæðinga mína, án þess að gefa upp nöfn, við faglegan umsjónarmann minn eða aðra kollega til þess að hjálpa til við minn persónulega og starfslega þroska svo ég geti veitt skjólstæðingum mínum sem besta þjónustu.